![](https://blogger.googleusercontent.com/img/b/R29vZ2xl/AVvXsEjXHoa72AT6_goT6D97B7r8jKPmt9IS1o6ytcgShDX_ea8h8VVV4s-j_jZsF7QBMpu69FxIfU_dyBQcsILy3xsG1-ydJQc99gnZ6zfj0W67U2RjCbjgc70fQHRK2fgONoIO10BzD9w0wdaqVsX4QGFn-WQRkGDFdv491nOfOGEL0tcw49CA98X6ADfs/s1600/24%20vartha%2016x9_091516%20%2867%29.webp)
കോഴിക്കോട് : ആലപ്പുഴ- കണ്ണൂർ എക്സിക്ക്യൂട്ടീവ് ട്രെയിനിൽ തീവെപ്പ് നടത്തിയ അക്രമിയുടെ രേഖാചിത്രം പുറത്തിവിട്ട് പൊലീസ്. മുഖ്യസാക്ഷിയായ റാസിഖ് നൽകിയ വിവരങ്ങളുടെ അടിസ്ഥാനത്തിലാണ് രേഖാ ചിത്രം തയ്യാറാക്കിയത്. പ്രതി ഇതര സംസ്ഥാന തൊഴിലാളിയെന്ന സൂചനയിലൂന്നിയാണ് പൊലീസ് അന്വേഷണം പുരോഗമിക്കുന്നത്. ടൗൺ, മെഡിക്കൽ കോളേജ്, അസിസ്റ്റൻറ് കമ്മീഷണർമാരും, റൂറൽ എസ്എസ്ബി ഡിവൈഎസ്പി എന്നിവർ എലത്തൂർ സ്റ്റേഷനിൽ എത്തിച്ചേർന്നിട്ടുണ്ട്. ട്രെയിൻ തീവെപ്പ് കേസിലെ പ്രതിയെ കുറിച്ച് നിർണായക വിവരങ്ങൾ ലഭിച്ചതായി സംസ്ഥാന പൊലീസ് മേധാവി അനിൽ കാന്ത് അറിയിച്ചു. അന്വേഷണത്തിന് പ്രത്യേക സംഘത്തെ രൂപീകരിക്കും. കണ്ണൂരിലേക്കെത്തി അന്വേഷണത്തിന് നേതൃത്വം നൽകുമെന്നും അദ്ദേഹം അറിയിച്ചു.
പ്രതിയുടേതെന്ന് കരുതുന്ന ഒരു ബാഗ് ഉപേക്ഷിക്കപ്പെട്ട നിലയിൽ ട്രാക്കിൽ നിന്നും കണ്ടെത്തിയിരുന്നു. പെട്രോള് അടങ്ങിയ കുപ്പി, സ്ഥലപ്പേരുകളുടെ കുറിപ്പ്, ഇംഗ്ലീഷിലും ഹിന്ദിയിലും എഴുതിയ ദിനചര്യ കുറിപ്പ്, ഇയര്ഫോണും കവറും, രണ്ട് മൊബൈല് ഫോണുകള്, ഭക്ഷണമടങ്ങിയ ടിഫിന് ബോക്സ്, പാക്കറ്റിലുള്ള ലഘുഭക്ഷണം, പഴ്സ്, ടീ ഷര്ട്ട്, തോര്ത്ത്, കണ്ണട, കപ്പലണ്ടി മിഠായി എന്നിവയാണ് ബാഗില് നിന്ന് കണ്ടെത്തിയത്. ഇവ ശാസ്ത്രീയ പരിശോധനയ്ക്ക് അയക്കുമെന്ന് അന്വേഷണ ഉദ്യോഗസ്ഥര് അറിയിച്ചു.
![](https://blogger.googleusercontent.com/img/b/R29vZ2xl/AVvXsEjgywtJ0Wveg8Zv7BiClKCB-Cq5jeJSziHiDcn3mYyP8f0f-56c8uxkNRckaOIJRA7egcrOwv2LUBRYdwxyML5tJIT58uhFvPCPp56CYk6ocLkUslQJbqZdPK8ptHwiHW9i7P6HEFVX1D01_CjJeVEr2yJ-AI3V8DS9kvEFmmqmM4qL6NN79ThPkC-IgQ/s1600/Picsart_23-04-03_12-49-29-996.jpg)
ചിറയിന്കീഴ്, കഴക്കൂട്ടം, തിരുവനന്തപുരം, കോവളം, കുളച്ചല്, കന്യാകുമാരി തുടങ്ങിയ സ്ഥലപ്പേരുകളാണ് നോട്ട് ബുക്കില് രേഖപ്പെടുത്തിയിട്ടുള്ളത്. നോട്ട് ബുക്കിലെ കുറിപ്പില് കാര്പെന്റര് എന്ന വാക്ക് ആവര്ത്തിച്ച് രേഖപ്പെടുത്തിയിട്ടുണ്ട്. അതിനിടെ പ്രതിയുടേതെന്ന് കരുതുന്ന സിസിടിവി ദൃശ്യങ്ങൾ പുറത്ത് വന്നു.
sketch of suspect who set fire in alappuzha kannur executive express train